Joaquín Alcalde Lomas (Las Calizas, Abanto, Bizkaia, 1957) berandu hasi zen arte munduan, 1987 urtean, Barakaldoko Kultur Etxeko monitore Paco Labiano eta Felix Losadaren eskutik. Hiriko erdigune kulturalean zeramikaren teknikara hurbiltzen da eta egositako buztin eta esmaltez egindako bere lehen lanak sortzen ditu.

1990ean, artisautzarako dohain bereziak erakutsita, artistak oraindik martxan duen bere estudioa zabaltzen du Bizkaiko Trapaga herrian. Garai hartan bere lehen inbertsioak egiten ditu tresnerian bere lana maisuki egitea ahalbidetuz, eta ondorioz, Bizkaiko artisauen zentsuan ematen du izena.

Bere jardun profesionala tornua, buztin erregogorra, eta esmaltearen konbinaziotik sortutako obrekin hasten du. Honela, bere eskuek lehen ontzi, antoisin eta beste hainbat zeramika lan sortzen dituzte, gero Euskal Herriko artisau feria eta merkatuetan salduko dituenak. Hala ere, Joaquin Alcaldek haratago joan nahi du buztinaren munduan, eta oso azkar modelatuaren teknikarekin hasten da esperimentatzen, horretarako dohain handiak dituela erakutsiz.

Artistak formatu handiko piezak zizelkatzen ditu, gutxi gorabehera metro erdiko altuerakoak, eta gero 1.300 ºC-pean jarri. Hautatutako gaiak ugariak dira: bustoak, lanari alegoriak, dantzariak, arrantzaleak, meatzariak, baita animaliak ere. Aldi berean oinarrian bost metro dituzten muralak egingo ditu. Alcaldek era honetako obretan material ugari erabiliko ditu: adreilu erregogorrak edo azulejo esmaltatuak barne-muraletarako eta geruza bakarreko zementua burdinazko parrillaren gainean kanpoaldean kokatzen direnentzat.

Ekoizpen handi eta behin-betiko sendotze garai honetan, eskultore meatzariak brontzeari ere desafio egiten dio, berarekin pertsonaia ezagunen bustoak egiten dituelarik, besteak beste, Telmo Zarra futbolari handia, Lucio Beraza apaiza edo Benedicto pintorea. Are gehiago, Joaquin Alcaldek urtero hamabost kilogramoko brontzezko hiru pieza egiten ditu, horietako bakoitzarekin Tonetti Fundazioak hainbat pertsonak egindako lan humanitarioa saritzen duelarik.

Gaur egun, eskultoreak bere obrak egiteko material berriak ezagutzen jarraitzen du. Harria, alabastroa eta harlanduzko lanak adibidez, zeintzuen bozelduak egileak lan egin duen elementurik menderakaitzenak bihurtzen dituen.

Bere artisau-tailerretik irteten diren piezek lotsagabeki nahasten dituzte talentua eta estetika, eta horregatik Joaquin Alcaldek erakusketa bat egiten duen bakoitzean, bakarka edo taldean, ikusleak bereganatzen ditu. Bere eskulturak Euskal Herriko areto garrantzitsuenetan izan dira ikusgai (Bilbo, Gasteiz, Baiona...) eta beti ikuslearen erantzun bikaina lortu dute, horregatik, bere piezen jabeak direnen artean oso izen aipagarriak daude: Federico Mayor Zaragoza edo Chiapaseko gotzaina, besteen artean, eurek hala erabakita edo zeharkako bideetatik Joaquin Alcalderen artea hautatu dutenak beren bizitzetan egoteko.